日出康城｜網民鬧爆康城業主扮中產擺款 「買樓充大頭鬼」：郁吓就話要投訴

居住康城性格一定差？

有網民在連登討論區上，以「法唔法國住康城嘅人特別格衰？」為題，分享對康城居民的感覺。該網民寫道，「女嘅嫁入康城以為自己飛上枝頭變鳳凰，由公屋妹搖身一變為中產師奶，睇唔起人。男嘅以為買咗層康城樓就晉身中產階層，幻想自己住緊40年前嘅太古城，高高在上鼻孔朝天。」

該網民亦指自己觀察到，康城居民在繁忙時間經常「撞開月台啲人趕上車」，又指康城人「繁忙時間撞開月台啲人趕上車，如果唔係下一班等到天荒地老遲到比老細鬧。」

支持派網民：好人好姐點會住入去

• 有網民支持言論，認為該區住客優越感過多，自卑變自大，更有網民稱「好人好姐點會住入去」，似乎是因為「充大頭鬼」。
• 買間一房500幾萬or租12k跟住扮有錢，市區居屋都貴過佢。
• 你去個商場行一轉，間間鋪無人買野，D路人樣又衰衰格咁。
• 九成住客都白鴿眼，真係唔知住康城嘅優越感喺邊。
• 住得康城嘅, 都係d年青夫婦博上車人士，買到樓仲唔串過碼頭咕喱?仲要多數都係掹掹緊上，tko（將軍澳）就住唔起，好人好姐點會住入去。呢種有少少錢， 又想扮下大袋認屎認屁就鐘意充大頭，周圍串人攞滿足感，又點會態度好呀。
• 接觸多康城人就知佢地班人係呢個心態，但唯一唔認同嘅係佢地唔係有少少錢，佢地係死慳爛慳先買住層私樓，然後自卑變自大。
• 最好笑佢哋，笑人哋將軍澳啲樓舊，人哋舊樓仲貴過佢，就知佢配套幾差。
• 康城業主最憎將軍澳，日日X將軍澳將南，但就要用人地既配套，等車又要係將軍澳塞住哂。
• 康城啲老人特別冇禮貌，最叻話要投訴人。

反對派網民：已經好淒涼

另一邊廂，反對的網民則表示康城居民「好淒涼」，不應再奚落別人，又指是否眼紅當區居民才出此言。

• 班康城X谷住度氣但又反駁唔到好淒涼架啦。
• 一邊眼紅， 一邊白鴿眼， 打和。
• 好酸呀樓主。
• 2016年買果啲已經升左球幾兩球，你地咪笑囉。
• 其實佢地真係幾慘，交通方面。
• 遲下填海，有幾期既海景都冇埋。
• 成班酸到，充斥住淡淡同唔係住康城既業主。
• 講起衰格麗港城係最衰。

康城配套差、溢價太高

除支持及反對的網民外，不少網民亦道出康城區一帶的問題，如配套差及溢價太高等問題。

• 康城溢價太高，其實成個將軍澳都係。
• 將軍澳坑口居屋都分分鐘貴同方便過佢地。
• 住將軍澳啲舊樓都唔住廢樓，地鐵班次又廢，俾多少少出去住，每日有返十分鐘好過。
• 除咗揸車入，其他方法入去都勁耐。
• 前幾日入去康城睇吓盤，個商場真係廢廢地，首都D通道殘殘舊舊咁，D地方又生哂銹，都係13年樓咩事。
• 地鐵班次疏，經將軍澳出去實塞車，人多，得商場仔，0街鋪，餐廳選擇少，街市都無，得間勁貴超市，樓又高又重壓逼感，潮濕，勁多怪蟲，老鼠等，周圍大把地盤，嘈同污糟，毗鄰堆填區，未來更有水泥廠，宜家仲傾緊填海，樓價等跌到跳樓。

日出康城首都蝕讓百萬甩手 呎價穿1萬

近日亦有康城業主看淡後市減價沽貨，中原地產將軍澳都會駅第分行經理黃仕斌指，市場最新錄得一宗日出康城1期首都二手沽貨，單位為3座低層RC室，實用面積680方呎，屬三套房設計，望東南山景。

單位原開價910萬元，現大減232萬元，接近兩成半，以678萬元甩手，折合實用呎價9,971元，跌穿1萬元關口，創2年新低。

據悉原業主於2019年以780萬元購入單位，持貨逾3年，屬SSD鬆綁貨，現沽貨帳面蝕讓102萬元，連同使費計算料蝕逾140萬元。

延伸閱讀：銀主盤爆煲｜負資產業主斷供潮、逾3成單位被財仔接管：日出康城又有份！

延伸閱讀：高追上車慘變負資產｜1千萬買樓借8成上會 業主崩潰：現價6百萬倒蝕2球