預測2021年Rolex可能停產錶款 勞力士百事圈、Milgauss榜上有名
廣告
Rolex又有錶款將要停產？！最近網路上有好多錶友推算勞力士2021年有甚麼新款，例如Explorer II 五十週年別注。不過Rolex有新錶同時，代表某些舊錶款會停產。當中有傳勞力士百事圈、Milgauss都會於今年停產，除了以上兩款外，究竟還有哪錶款傳聞於今年停產？如果屬實，大家又會否趁早入手，早買早享受以防炒價？
撰文：Easy｜圖片來源：Rolex | 編輯：Bonita|原文刊於：新Monday
預測2021年Rolex可能停產錶款
外國媒體預測2021年可能會停產錶款如下包括：Air-King Ref.116900、Explorer Ref.214270、Explorer II Black & White Ref.216570、GMT Master II Pepsi Ref.126710BLRO、Milgauss Ref.116400GV。
Explorer Ref.214270及Explorer II Black & White Ref.216570停產可能性相對較高，全因2021年係Explorer II面世50週年，估計全新嘅Explorer II會推出，同時亦代表舊款Explorer II會停產。
除咗Explorer系列，令人最意外嘅係百事圈Ref.126710BLRO，因為佢係2018年改款，而且呢2年亦係Rolex人氣款式，不過不少外國媒體認為如果Rolex今年推出不鏽鋼紅黑陶瓷圈GMT Master II，咁126710BLRO停產可能性相當高。
重申一次，以上預測Rolex停產錶款只係傳聞，最終會不會停產，要等到2021年4月錶展先至會被證實，大家拭目以待啦！
