學定去旅行有用 20句常用英文機場篇+購物篇
機場篇
1. I’m going to _. (我要去…)
好多時去到機場辦理登機手續時，地勤職員都會問你飛邊到，呢個時候你就可以答佢呢句。
2.Here you go. (給你)
當地勤職員問你拎護照同身份證辦理登機手續時，比佢個陣講呢句就岩晒!
3.Window seat, please. (我要靠窗的位置)
好多時坐飛機都想坐靠窗位置，因為可以睇風景，又唔使成日起身讓人出，鐘意坐窗口位嘅下次揀位記得咁同職員講啦!
4. Just this one。(只有這個)
去旅行點都有件行李，有時甚至要寄艙，如果得一件行李，就可以同職員講呢句。
5. Is my baggage overweight? (我的行李超重了嗎?)
去旅行有時會失心瘋買左勁多野，回程行李過磅時勁驚超重罰錢，所以磅緊個陣都勁淆，會問職員自己個行李有冇超重。
6. No. (沒有/不是)
當問完職員自己個行李有冇超重，你最希望聽到佢答No而唔是Yes啦係咪先。
7. Is this allowed on the plane? (這個可以帶上飛機嗎?)
有時買左好多手信送比朋友，但又唔知上唔上得機，臨上機可以用呢句問問職員，如果唔得都可以寄艙。
8. What time will we be boarding? (甚麼時候登機?)
辦理完登機手續後，如果忘記左幾時登機，可以用呢句問下職員，就唔使驚miss左班機啦。
9. Where is the departure gate? (登機門在哪裡?)
如果你喺機場唔知喺邊登機，可以用呢句問機場人員，就唔怕迷路啦。
10. I’m here on vacation. (我是來度假的)
Vacation嘅意思係「度假、放假，如果上到機遇到異性問你黎做咩，呢句或者用得上呢!
購物篇
1. It’s a little pricey! (這個有點貴)
入到鋪頭買衫好多時都係試完先睇價錢，當睇到個價太貴而買唔起就會咁講。
2. It’s 10% off! (這個打9折)
當見到間鋪門口貼左Seasonal Sale，多數都會行入去望兩望，而9折嘅英文就係10% off，8折就20% off，7折係30% off，如此類推。
3. I’m just browsing. (我只是隨意逛逛)
好多時入到一間鋪，啲店員都會狗衝黎serve你，但明明你都係想隨便行下冇打算買，呢個moment你唔使爆，只要同佢講呢句應該唔會再死跟住你。
4. Can I try this on? (我可以試穿嗎?)
當見到件鍾意嘅衫但又唔知著上身好唔好睇，可以試下用呢句問店員有冇得試。
5. Where’s the fitting room? (試身室在哪裡?)
有時啲鋪頭大到成層都係，未必搵到間試身室喺邊，當然要問下人啦。
6. What a steal! (太划算了!)
每年最期待嘅一刻非Final Sale莫屬，因為好多貨品都係超級平，呢個moment你不禁要慨嘆一句「What a steal!」
7. Do you have this in stock? (這個有新的嗎?)
試完身最尾決定要買件衫，但又想要件新嘅就可以用呢句問啦!
8. Do you take credit cards? (可以用信用卡嗎?)
而家出街好多時都唔帶好多cash喺身，但又唔係間間鋪都有得碌卡，所以比錢前最好先問清楚，費事因為無cash買唔到心頭好啦。
9. Can I have a refund? (可以退款嗎?)
有時買野返到屋企先發覺有瑕疵，去返間鋪要求退錢個陣就可以咁問啦。
10. I would like to speak to the manager. (我想見經理)
有時要求退錢都唔易，因為店員未必有權退到錢比你，呢個時候你唯有要求見經理，要佢幫手解決啦。
