40歲唐寧移民紐西蘭學英文 3大感觸令人落淚 盼重新讀書完成夢想
40歲唐寧自認英文小學雞 盼重新讀書完成夢想
移民紐西蘭的唐寧,自問自己小時候沒有好好讀書,英文程度好比「小學雞」,但自己在外國生活一定要學識當地語言溝通,因而即使現年40歲,亦無阻學英文的心。她指自己正準備考IELTS,但學習英文的進度非常緩慢,但仍有一直努力學習。
![唐寧 學英文](https://imgs.weekendhk.com/wp-content/uploads/2023/09/__-ielts-0-3-screenshot_688818066502e2ff15b16-1024x576.png)
唐寧拍片指自己到訪一間當地最有名的大學——奧克蘭大學,自己一踏入校園,就已經有好大感觸。她指自己從小學到中學都眼見身邊的同學仔一個個都到外國讀書,自己也曾幻想可以到外國讀書,但自己知道去外國讀書好貴,連媽媽都不知道她有這個心願。而且她從小已專注拍戲拍劇拍到大,讀書對她而言可謂「根本無咩點讀過」。「呢樣嘢就好似變咗我嘅夢想、幻想咁,一路都好虛幻」,而現時她身在外國,與大學距離又進一步拉近,語帶感動地說:「咁我係咪可以將呢個幻想變成事實呢?」
![唐寧 學英文](https://imgs.weekendhk.com/wp-content/uploads/2023/09/f42322e1-3bd4-4d6d-b1b6-0cf435364f31_107916435762395d6871b3b_20747908236502e906900ed-1024x1013.jpeg)
香港只以演員身份入大學 唐寧:我開始為理想努力都唔算遲
而她亦在片中表示,自己曾入過港大、中大、科大,但只是以演員身份踏入校園,這次在大學行了一圈,令她感觸萬分。「今次行完大學,我感受到一啲我想感受嘅嘢,我見到一班年青人好努力咁為將來或者夢想去計劃同去準備。雖然我而家已經40歲,而家先開始為自己嘅理想同夢想去努力,其實都唔算遲」,更反問大家「你會唔會都想去尋回自己嘅理想,或者重拾以前嘅夢想?」。除此之外,唐寧亦指自己在這可尋回初心,「我特登去感受呢個氛圍,提醒自己背棄咗嘅理想」,希望各位和她一樣好努力學習英文的人、或者準備考試的朋友仔說一聲:「You are not alone,我哋一齊努力」。
港人感動:你要好好加油!
一眾網民看到唐寧經歷了眾多事後,仍能樂觀接受一切,都表示非常感動,指「你真係要好好加油,你好叻,一直都會支持你」、「有心唔怕遲!做到老學到老…加油」、「加油呀~想做就去做,澳紐嘅uni好多mature students,記得我嗰陣有個嫲嫲級嘅同學,七十幾歲畢業」、「只要有恆心,鐵柱磨成針。Go for it ! 你會成功!」、「欣賞現在真實的妳,感受生活,享受生命」。