年尾公司又做評核 15條問題 測試你今次會唔會升職
1 工作需要一部手提電腦，你會要：
A 時尚又實用嘅電腦
B 外觀唔靚，但功能極強
C 價錢最貴嗰部實岩用
2公司舉辦聯誼活動，你會：
A 積極參與
B 問咗相熟嘅同事去唔去先，佢去你去；佢唔去你唔去
C 從不出席
3 週末公司舉辦活動需要大家支援，你會：
A 自願幫忙
B 雖然唔想，不過真係有需要都係會到
C 搵藉口推辭
4 當你手頭上有文件處理緊，老闆想畀多份文件你做，你會答：
A 好，不過我有文件處理緊，可能要晏啲先做到你份文件
B 呃……好啦，今晚又要遲收工
C 我依家好忙，你畀其他人做啦
5 你知唔知你老闆鐘意飲咩？
A 知，好肯定
B 好似係咖啡？凍奶茶？
C 唔知喎
6 同事圍埋講是非，你會？
A 做自己嘢，唔理佢哋
B 湊熱鬧圍埋去，齋聽唔講
C 梗係講埋一份，阿Mary姐用緊隻香水臭到……
7 有同事離職，你會：
A 保持聯絡
B 講句「祝你前程錦繡」就斷絕來往
C 同佢講有好路數介紹畀你
8 平時返工，你會著：
A 欺文look，隨時準備見客/出去做嘢
B 預先知道要見客嗰日先著得整齊啲
C Hea look，舒服最緊要
9 成team人要留低開OT，你會：
A 盡力做，希望大家快啲有得收工
B 太攰，個腦轉得特別慢
C 好唔耐煩，係咁催其他同事
10 老闆想你幫佢處理啲私事，你會：
A 馬上幫佢處理
B 得閒先理佢
C 話自己好忙，唔得閒
11 「扮工」小秘技，你最鐘意：
A 拎手機去廁所碌Facebook
B 去茶水間斟水、煲水、沖茶
C 大模廝樣用電腦上淘寶
12 多數遲收工的原因：
A 等上司/客人回覆
B 太多文件要處理
C 手腳慢，收工都未做得晒
13 你唔識用公司嘅新系統，你會：
A 先觀察同事點用，再自己摸索
B 唔識就問
C 亂用一通，唔理做得岩唔岩
14 見到比你差嘅同事升職，你會：
A 檢討自己有咩不足
B 失去工作動力，覺得自己不被賞識
C 不屑佢，比說話佢聽
15 如果你去完廁所出嚟見到成個Office無晒人，你覺得：
A 佢哋暱埋畀驚喜你
B 係咪有靈異事件發生
C 佢哋一齊收工走晒，杯葛你
評分方法
A = 3分
B = 2分
C = 1分
評分結果
39-45分：你表現出眾，喺老闆心目中留下深刻印象，下個升職仲唔係你！
31-38分：就快到你升職架啦！嘗試下提升你與老闆及同事之間嘅關係，會對你前途有好大幫助。
24-30分：你唔係無能力，只係需要一個讓你展露光芒嘅機會，把握其他同事唔願接手嘅Dirty Work，就係你發揮嘅好時機。
16-23分：想升職就要多加努力，唔好諸多計較及怕蝕底，會令你工作得更自在。
15分：你唔應該放眼升職，而係考慮轉工啦！
升咗職加人工唔好以為一定係好事，背後嘅壓力同工作量分分鐘做到你日日頭痛！不過10個香港人超過一半都有經常頭痛的煩惱。面對頭痛，相信大部分人都會先嘗試「死忍」，但最終還是忍不住要食止痛藥，甚至愈食愈多，何其的傷身體。想紓緩頭痛，但又不想依賴止痛藥，不妨試試以下幾個紓緩頭痛的方法，助你不靠藥物脫離頭痛困擾。
text-Emily（原文）
1. 飲可樂
咖啡因有止痛的作用，而可樂則含有咖啡因成分。頭痛時飲罐可樂，待半小時左右，就會有紓緩頭痛的作用。不過此方法只適用於輕微頭痛，而且不能每次頭痛都使用，否則腦部就會適應咖啡因的刺激，失去效用。
2. 飲糖漿
選擇高素質的有機楓葉糖漿，每逢頭痛時直接飲1湯匙份量，靜待大概15-20分鐘就會感受到頭痛有所改善，此方法對經期時的偏頭痛尤其見效。
3. 飲洋甘菊茶
洋甘菊本身有消炎及止痛的功效，睡前喝1杯洋甘菊茶，能鎮靜心情，紓緩頭痛，同時提高睡眠質素。
4. 按摩穴位
頭痛時可靠按摩相關穴位來止痛。例如百會穴及風池穴，以姆指指腹按壓10秒穴位，鬆手後待數秒再按下一次，連續按3-5分鐘，就有紓緩頭痛的效果。
（一）百會穴：位置在頭頂的正中央。
（二）風池穴：位置在後頸大筋的兩旁凹處。
5. 熱水浸腳
準備1桶熱水，水的高度最好能覆蓋小腿，浸10-15分鐘，就可以促進全身血液循環，紓緩腦部神經，紓緩頭痛各種症狀。
6. 熱敷後頸
將熱毛巾敷在後頸，能調節體溫、刺激血液循環，同時調整自律神經，有助紓缓頭痛不適，對頸梗膊痛引致的頭痛特別有效。
7. 紙袋呼吸法
用紙袋蓋着面部，留少許空位讓空氣進入，在紙袋中呼吸大概10分鐘，以吸入自己呼出的二氧化碳，漸漸就會感受到紓緩頭痛的效果。
8. 縮下巴運動
經常低頭玩手機令頸部受壓，是很多人經常頭痛的主因。而縮下巴運動，就能達到放鬆受壓神經，紓緩頭痛的效果。只須盡量將下巴往內縮，連續做10次，進行時保持正常呼吸即可。
升職壓力致失眠解救方法
香港人生活迫人、節奏急促、心理壓力又大，但冇時間放鬆，更加好少做運動，最後就周身病痛，而最常見嘅，應該就非失眠莫屬。唉，失完眠第二日又要照開工照OT，捱多幾日真係頭又痛腰骨又酸，搞到好易做錯嘢又俾老細鬧餐飽。相信人人都唔想自己失眠，但又不幸失眠嘅話，到底有啲咩方法可以幫幫手等我哋一秒瞓著呢？以下有10個經過小編精選嘅方法，等你一教好眠！
睡前
1. 不要看手機、平板電腦等電子產品
電腦、手機、平板等電子產品的藍光會刺激腦部，令你的腦部期後都會維持一段時間的興奮狀態，因此睡前看手機、平板電腦等會令你難以入睡。
2. 不要做劇烈運動
運動時腦部及身體肌肉持續被刺激，令及後的一段時間內都會處於興奮狀態，難以在短時間內放鬆下來，所以其實睡前兩小時都不應做劇烈運動。
3. 喝一杯凍牛奶
據專家指牛奶中含有能使人產生倦意及一定鎮靜催眠作用的物質，能暫緩大腦的思維活動，從而使人感到睏倦，而且牛奶中的鈣質可以清除緊張情緒，有利於休息和睡眠。
4.吃一條香蕉
專家建議失眠人士可以嘗試在睡前進食一點含碳水化合物的食物以助入睡，而注重體態的你如果擔心晚上吃飯、麵等引致肥胖的話，不妨嘗試以香蕉代替。香蕉含有澱粉質及豐富纖維，可以幫助放鬆身體之餘亦不怕對腸胃造成負擔。
5. 避免喝酒
不要以為酒精令人醉便等同助眠，事實上酒精反而會降低你的睡眠質素，令你淺眠或發斷斷續續的夢。
6. 洗熱水澡或以熱水浸腳
如果你長期手腳冰冷，可則顯示你的血液循環較差，這亦可能是你失眠的成因之一。試試睡前洗個熱水澡或用熱水浸腳，甚至這時穿雙襪子才睡，都有助改善問題。但記得不要挑橡筋太緊的襪子，否則只會適得其反。
睡時
7. 聽些放鬆的音樂
當你沉醉喺柔和嘅音樂旋律時，你嘅身體肌肉以至器官都會跟著漸漸放鬆起來，令你入睡。
8. 嘗試「腹式呼吸法」
腹式呼吸意思是利用腹部及橫隔膜協助呼吸，可以令人有效地放鬆身心。剛開始時可能感到難以掌握，你亦可試試改變呼吸的節奏：深呼吸4秒，然後屏氣7秒，後用慢慢呼氣8秒，接著重覆深呼吸。整個循環數次後，便會開始有瞌睡感。
9. 按摩穴道
失眠的你可以嘗試按壓內關穴、神門穴或足三里這三個穴位，可以有效地紓緩失眠問題。
內關穴
神門穴
足三里
10. 心中默念：自己不可以睡
通常越睡不著，個人就越會施加心理壓力給自己「要睡著」，而其實可試試逆向思維，張開眼想著「不可以睡」，反而倦意會更快來報到。這和早上很累卻逼自己不能睡著有異曲同工之妙。
