樓市最後嗰浸留俾人賺 咁我又賺乜

朋友Ｂ： 「睇個勢如果政府唔做嘢，仲有力升多浸喎。」

朋友Ａ： 「仲升得幾多丫，前輩教落，最後嗰浸留俾人賺啦。」

朋友Ｃ： 「不如跟我去買柬埔寨樓啦。」

朋友Ｂ： 「柬埔寨好咩？」

朋友Ｃ： 「講英文、用美金、冇外匯管制，將來係一帶一路中心。」

朋友Ａ： 「唔係喎，上次睇泰國樓，代理話泰國先係中心喎。」

朋友Ｃ： 「點解泰國係一帶一路中心呢？」

朋友Ａ： 「佢話地理位置好，政治相對穩定，做生意駐點首選。」

朋友Ｂ： 「唔係喎，上次睇馬來西亞樓，代理話嗰度先係中心。」

朋友Ｃ： 「又點解馬來西亞會係一帶一路中心呢？」

朋友Ｂ： 「代理話當地人識講多國語言，又多大陸人去買樓。」

朋友Ｃ： 「Anthony你俾啲意見，你覺得邊度發展好啲。」

筆者： 「賣樓嘛，個個都話自己係一帶一路中心架啦！」

朋友Ｃ： 「咁你覺得最有機會係邊度先係中心？」

筆者： 「其實都係斷估，買番大陸最穩陣，哈哈！」

朋友Ｃ： 「大陸貴丫嘛。」

筆者： 「貴？你個柬埔寨盤幾錢呎？」

朋友Ｃ： 「約港幣$3,000幾啦，$100萬可以買一房300幾呎。」

朋友Ａ： 「泰國都係咁上下，靚位都要去到港幣4,000幾架！」

筆者： 「咪係囉，好多二線城市，計番呎價都係1,000幾咋！」

朋友Ｂ： 「咁筍？邊度先？會唔會係山卡拉？」

筆者： 「好多省會大城市都係，就算翻一倍都未到3000！」

筆者自小受到傳媒及身邊朋友影響…

覺得買大陸好危險，買樓好易中伏，於是就錯過很多賺錢機會。

直至兩、三年前，見香港住宅樓價愈來愈貴，租金回報越來越低，上升水位越來越小，就決心要學習投資外地物業。到過不同國家，睇過很多樓盤，最終都係覺得大陸樓最抵、最有爆炸力，於是由珠海起步，跟前輩及投資兵團一起進軍國內多個城市。

大陸樓…呎價極低水

一線城市當然貴！深圳早兩年瘋顛時期，樓價簡直可以媲美香港，上海、北京、廣州等當然亦不便宜，然而很多很有實力、很有潛力的二線城市，其實很便宜。例如筆者有次去曼谷考察，與同事睇了逾20個盤，即使位置一般的樓盤，呎價都要$3,000、$4,000以上。後來再跟前輩到大陸各大城市考察，很多二線大城市，例如長沙、重慶、無鍚、合肥、瀋陽等等，呎價都只是$1,000元。

入門…即是要多少錢？

在大陸買樓，最常買的有住宅、公寓兩種。

住宅面積一般比較大，最少約80~90平方米，以呎價$1,000元計算，總價約百多萬，最高可以做七成按揭，首期約$40萬、50萬左右就夠。當然每個城市價位不同，一線城市當然比較貴，但三線城市可能平到呎價$400、$500，要細心揀清楚，是搏差價之選。兩年前我們投資兵團買的珠海、惠州、東莞等都升，剛剛投資兵團在無鍚、合肥等買的單位，過去半年都升了兩、三成。

公寓面積一般比較小，最少約30至40平方米，又以呎價$1,000算，$50萬、$60萬就有交易，可以做五成按揭。即是廿幾萬就可以做業主，而且租金回報較住宅為高，一般可以做到4、5厘。自從各地政府推出限買、限賣、限貸等政策之後，很多投資者公寓，因為公寓不限購、不限貸，將會是市場上一股潮流。

作者為1%投資培訓中心課程總監，教授物業投資、上車及裝修等課程。暢銷書《上車又住又賺》及《樓轉命運》作者，網誌《第一桶金》總瀏覽逾300萬人次，並曾擔任TVB《有樓萬事足》顧問。
Fan Page《第一桶金》： www.facebook.com/anthony.wealth