煥然壹居建築成本破萬 唔通鑲金？
廣告
市建局首個資助房屋煥然壹居，最快年底推出，將以市價八折推售338伙。由於唔接受單身人士申請，加上呎價分分鐘破萬，唔少單身年青人都學呀源講句：「這些機會不是我」！
講開又講，尋日市建局行政總裁林濬係記者會話，煥然壹居以市價八折出售，大約等於其建築成本……小編用同區屋苑計一計數，推算煥然壹居八折後呎價大約1.1萬元，如果呢個係佢嘅建築成本，未免太貴吧？
皆因房協長沙灣喜漾，每呎建築成本都只係4,000至5,000元；新世界發展(00017)跑馬地服務式住宅項目Eight Kwai Fong，每呎建築成本最多都係5,000元。
人地建築成本5,000元一呎，有會所，有啲仲有家電、櫥櫃等等送， 但煥然壹居呢？建築成本破萬，唔通牆身、用料，甚至個屎塔鑲金？
延伸閱讀：
煥然壹居真係買得過？
http://www.edigest.hk/Vip/detail?id=844
太古城上月最新放盤叫價是多少？
太古城上月最新放盤叫價大約…各區樓市買賣詳情請看。
九龍區有哪些大型屋苑放盤呎價最低？
九龍區不少受歡迎的大型屋苑呎價對比上月都有回落…各區樓市買賣詳情請看。
