睇片學英文 醒你3招神速進步

經一編輯部
生活消閒

廣告

由小學雞年代排排坐睇ETV開始，大家都好鍾意睇片學新嘢。其實市面上都有好多學英文嘅影片，淨係Youtube 嘅Channel 都多都一個點，真係唔知睇咩片先好。不過宜家唔洗驚啦，今集就有阿滴介紹一個學英文好好用嘅網站Voice Tube，仲話埋俾你知點樣用得精明、學得快，咁就唔怕睇到眼花潦亂啦！

必用功能一：睇主編精選 Editor Choice Video

Voice Tube 每日都會揀出一條最好嘅英文短片放喺Editor’s Choice Video。Editor Choice Video嘅特別之處就係每段片之後都會有教學內容嘅補充，等你睇完條片之後可以有其他延伸學習。網站亦好體貼咁，喺影片下面有內容重點，等大家可以容易啲跟上進度。咁就學得更輕鬆喇！

必用功能二：每日說話練習 Daily Speaking Challenge

Daily Speaking Challenge 就係每日都有一條新嘅片，教你一句英文句子。從呢句句子，訓練你嘅英文口音同講野嘅流暢度。唔好睇小一句好似好少咁，每日一句學學埋埋都唔少o架。如果你怕Miss 咗之前嘅內容，唔使怕，因為你可以搵返之前嘅內容，一句一句學返晒！

必用功能三：影片課程 VoiceTube Hero

如果以上嘅資源都滿足唔到你學英文嘅需要，VoiceTube都有提供收費嘅網上英文課程。收得錢，當然有更多學英文嘅資源俾你用啦！例如有英語練習、更多元化嘅英文課長等。

網上學英文嘅網站真係多到數唔晒，如果搵到一個適合自己嘅學英國網站，咁就一定可以事半功倍啦！

如我有特別需要申請政府津貼，有什麼津貼可以申請？

如是長者/傷殘人士，可以留意長者生活津貼、長者咭、樂悠咭、傷殘津貼、申請綜援等等，在住屋方面，可以考慮申請公屋。

如果我想外旅/返回內地，有什麼需要留意？

首先，要留意特區護照/回鄉證是否需要續期，以及留意不同貨幣的匯率走勢，包括人民幣兌港幣、日元兌港元、英鎊兌港元等等。

最新文章