各地元首薪金大比併 港官員竟然咁高？

撰文：JOEY

小編就將聯合國常任理事國成員的各國元首薪酬作比較，按照年薪高低作排名，最高是美國總統奧巴馬，一年的薪酬為310萬，令人驚訝是，排第二是法國總統奧朗德年薪，年薪已經低於奧巴馬一半，只有151萬。

排第三是英國首相卡梅倫，有144萬，而俄羅斯總統普京只是僅僅躋身年薪過百萬的階層，他一年人工只有105萬，不過講到人工最低，就是中國國家主席習近平，只有17萬，薪金水平低於美國的貧窮線水平。

你可能曾經以為堂堂一國元首，雖然香港樓貴，但都應該可以用幾個月人工就輕輕鬆鬆供到層香港樓，但原來都唔係咁易！以近期馬鞍山劏房新盤薈朗為例，折後售價276.8萬的最細221平方呎開放式單位，居然都要上述五位元首中，四位不吃不喝超過一年先買得起！

下表就有個小統計，比較這五位元首需要不吃不喝多少天才買得起薈朗：

睇到呢個數字真係嚇死小編，好彩小編從來都無期望過自己會上到車啫～

不過相比各國元首，小編發現香港的政府工真係絕世筍工！因為我哋嘅行政長官梁振英以年薪446萬KO新加坡以外嘅一眾國家元首，仲未計約滿酬金添。

其他官員嘅人工離哂地，例如民政事務局局長劉江華年薪都有358萬、自命香港嘅「白宮發言人」新聞統籌專員馮煒光年薪亦有245萬，的確不輸真白宮發言人喎。

其實以上數字仲未計三位高官嘅約滿酬金，如果計埋嘅話，佢哋三位輕輕鬆鬆幾個月糧就可以買到薈朗劏房，唔怪得高官們對待香港樓價高企問題時，態度都係輕輕鬆鬆唔太急～

伸延閱讀：
【人工無升過 4成打工仔薪金跌破「沙士價」】
http://www.edigest.hk/Vip/detail?id=5952
【立法會主席4年賺2,200萬】
http://www.edigest.hk/Vip/detail?id=5415
【議員連薪津一屆袋1,690萬元】
http://www.edigest.hk/Vip/detail?id=4439