長期糧尾 點先捱到出糧日

撰文: Jackie

1. 朋友Gathering例牌唔出現
去一去聚會，起碼要用一百幾十蚊元，如果遇着朋友唔願走，晚飯韓燒加飲酒再唱通宵K，一晚就要用上成千元。所以，在糧尾之際寧願在家同朋友連線打機，都不想出席聚會。

2. 下午茶時段先食晏
10點幾返到公司，就算食了早餐，12點左右都會開始肚餓。不過，月光族慳得一蚊得一蚊，等到2點半先去食飯，一餐隨時可以慳十幾元。

3. 返工帶飯／食杯麵
現在食個午飯愈來愈貴，大家樂一個餐要40幾元。帶飯或食杯麵，確實可以減少很多膳食開支，不過就少了和同事聯誼的時間。

4. 睇戲要睇早場／去豪華戲院睇
想慳錢又想睇戲，不用模仿「傑青」，早點起身去偏僻的戲院，例如MegaBox
戲院，相比同院線的其他戲院平。又或者去較舊的戲院，如豪華戲院。

5. 搭港鐵偷雞用特惠
像農夫描述自己潦倒時光的歌詞一樣，脫離學生時代，港鐵又年年加價，車費變得愈來愈難負擔。小薯為慳錢用小童飛搭港鐵，唯有裝聽不見那「嘟嘟」聲。不過偷雞用特惠屬違反港鐵附例，風險自己承擔！

6. 畀完家用，月尾又問阿媽借番
畀家用又肉赤，不給予家用又良心過意不去，月頭畀幾千元阿媽，月尾手緊問阿媽借幾千，真是有媽的孩子像個寶。

7. 唔去飲又唔封禮
以前有句說話，「人唔到，禮都到」，不過一封紅色炸彈，至少要給800元禮金，畀得少又可能被放上網公審。「長期糧尾」之際收到紅色炸彈，唯有側側膊，裝作沒收到。

8. 每個月還min pay
碌卡不用現錢，無錢時就更依賴信用卡。不過「長期糧尾」就是，無論什麼時候都無法找清卡數，僅僅負擔到最低還款額。不過每個月只還min pay，永遠只還到利息，唔窮就奇！

9. 寧願行45分鐘返公司
過不了自己心理關口搭港鐵用小童飛，只好用走路的方式返公司。(只適用於屋企與公司的距離在大約45分鐘內，總不能上山下海去返工。)

10. 日日捱麵包
最最最頂級的窮小薯，唯有捱白麵包，因為現在買個腸仔包都要好幾元，白麵包最實惠最飽肚，仲要安慰自己說「當減肥」。

延伸閱讀：
【家用每月畀幾多 有數得計】
http://www.edigest.hk/Vip/detail?id=5115
【月入1.8萬畀350元家用 激起民憤】
http://www.edigest.hk/Vip/detail?id=5063
【8大畢業生收入排行榜 教大高過中大】
http://www.edigest.hk/Vip/detail?id=4724