政府高官親身演繹割蓆 打工仔求生必備「職場卸膊操」 | 網民熱話

撰文：GOTrip  | 編導：黃智龍 | 演出：鄧世昌、湯駿業、陳淑儀 |資料來源：W創作社

第 1 部 | 低層卸膊操－我真係唔覺得我錯囉！

當你老闆話你做錯嘢嘅時候，你就要講：

我都係照你意思去做
我都係照你意思去做
我都係照你意思去做（膝頭哥要提高多少少）

但係你老闆又會堅持你做錯嘢，咁你就要咁講：

上一手同事都係咁講
上一手同事都係咁講
上一手同事都係咁講（個圓圈要劃大少少）

為求自保，你仲要眼濕濕咁：

我真係唔覺得我錯囉
我真係唔覺得我錯囉
我真係唔覺得我錯囉（要眼泛淚光咁）

追加提示：非必要唔好立亂爆喊，重點係回應時要眼泛淚光咁、喺眼眶浪下浪下就最「perfect池」！

第 2 部 | 中層卸膊操－－呢單嘢唔係我跟開

低層卸膊so easy？係時候學一啲難度高少少的「中層卸膊操」

做中層最好嘅地方，就係可以將啲​​嘢“卸”畀其他department做，必學金句，就係：

呢單嘢唔係我跟開！
呢單嘢唔係我跟開！
呢單嘢唔係我跟開！

因為「呢單嘢」真係唔係你跟開，所以對腳一定要卸開啲先得

但如果對方夾硬非要你做不可嘅話，你要點麼同佢講呢？你應該話：

你咁樣我好難做㗎喎
你咁樣我好難做㗎喎
你咁樣我好難做㗎喎

到最後為咗速戰速決，咁你就要學識講：

我唔想俾人話我越權囉
我唔想俾人話我越權囉
我唔想俾人話我越權囉

個表情可以委屈少少

第 3 部 | 高層卸膊操－－我無印像我咁講過

如果你嘅下屬做錯事，作為高層嘅你要即刻同佢劃清界線、割蓆啦、撇清關係最重要！呢個時候你就要講：

今次我真係愛莫能助！
今次我真係愛莫能助！
今次我真係愛莫能助！

講嘅時候，個身要盡量側盡量扭，有咁開卸得咁開（係咪好有畫面呢？）

如果作為下屬，要反駁個上司的話，通常就會據理力爭咁講：

喂你真係有咁樣講過嘅喎！

呢個時候個上司就要使出「絕招」（呢方面香港前特首689係最佳示範）：

我冇印像我有咁講過！
我冇印像我有咁講過！
我冇印像我有咁講過！

講嘅時候語氣要好firm，唔可以滴汗，好果斷、好堅持先可以突顯到你嘅無恥！

但係如果個下屬依然堅持話老細你真係有講過，呢種時候個老細就要用另一種語調嚟處理呢件事喇：

你諗下你適唔適合呢份工
你諗下你適唔適合呢份工
你諗下你適唔適合呢份工

去到呢個時候，雙方關係應該都已經好僵持，大家各不相讓吖嘛，此時此刻，雙方都有機會同對方送上以下呢句：

你今次食自己啦！
你今次食自己啦！
你老味食自己啦！

對了，事已至此。講得出口其實都已經無分「今次、下次」，加句粗口又何妨呢？

最後阿珍想提提大家，唔好以為見到人哋表演緊卸膊操時你，就可以坐埋一邊「食花生」，隻鑊幾時跌落你頭頂，真係話唔埋！
當你以為好穩陣時，冷不妨好可能一切都係個局，小心後面有人插您一刀啊！（圖片來源：James Tien’s fb）