移民歐洲平民版 入場費300萬有找
廣告
香港工時長又大壓迫感，可能令好多港人都越嚟越難受，日日瞓醒都想去旅行，進取點既更計劃點樣移民。 歐遊過嘅你，係咪次次都不期然講咗句「好想喺度住一世唔走」呢？唔好以為要實現呢句嘢一定好難，因為唔係個個歐洲國家嘅移民門檻都好似英國、法國咁高，呢度就有個歐洲國家嘅投資移民成本分分鐘平過買一個香港嘅豪華劏房，佢就係匈牙利。
撰文：JOEY
移民匈牙利，投資成本方面幾乎平絕全歐，你只需要投資30萬或以上嘅歐元（折合約258萬港元）去買國家特別債券，五年後就可以獲無息歸還本金。另外你要喺當地有固定嘅住址同收入，並連續居留8年，每年離開不超過3個月就可以成功入籍架喇！喺呢段期間，你唔需要額外申請工作簽證就可以係匈牙利境內就業，而且匈牙利嘅失業率只有5.4%，低於歐盟嘅平均水平，有工作機會上嘅保障。
匈牙利位處東歐中心，物價水平比起西歐地區及香港都要低（當然旅遊熱點例如布達佩斯都比較貴返啲），賺嘅錢都見洗啲。而且一旦你入左籍，就等於擁有歐盟成員國國民嘅身份，可以自由出入、定居歐盟成員國或工作，仲可以順道遊歷一吓成個歐洲。
你可能有與趣的文章：
【三大移民天堂 你會點揀?】
http://www.edigest.hk/Vip/detail?id=3452
【震驚全球70億人的小鎮 – 紐西蘭 Kaitangata】
http://www.edigest.hk/Vip/detail?id=3413
