洗碗之外 英國王室仲有四份筍工
廣告
英國王室請洗碗工，月薪14,000港元兼包食包住白金漢宮，吸引無數網民瘋傳。其實除洗碗工之外，英國王室現在仲有四個職位請緊人，分別係布草主管、日常清潔員、策展實習生(版畫及繪畫)及圖書館編目員，唔知大家有無興趣呢？
撰文: Jackie
布草主管
布草主管係主要負責保證宴會上的各類布藝用品與宴會規格匹配，人工好過洗碗工啲啲，年薪約1.7萬英鎊（約18萬港元）、33日年假、包食宿，一樣有得住白金漢宮，仲要係永久合約，只要你想，可以做到老。
日常清潔員
日常清潔員的工作地點係溫莎古堡，雖然一星期要返六日，但每星期只做20小時，即係每日做唔夠四個鐘就可以收工。不過就無列明年薪幾多，但一樣有33日年假、包午餐。唔係必需要有相關經驗，反而申請人需要有出色嘅團隊工作技巧。溫莎古堡一年起碼有100萬參觀人次，呢份工應該都會幾唔得閒。
策展實習生(版畫及繪畫)
以Intern嚟講，呢份策展實習生真係好高人工，年薪1.6萬英鎊（約16萬港元），返星期一至五，每星期返37.5小時，工作地點係溫莎古堡，工作內容主要係整理超過15萬幅版畫、水畫及繪畫。當然，申請人需要對歐洲及藝術歷史好有興趣同熱誠，先有可以成為被選中的小孩。
圖書館編目員
圖書館編目員係5份工入面最高薪，年薪2萬英鎊（約20萬港元），工作地點都係溫莎古堡，不過任職期只係去到2018年8月。一樣有33日年假、包午餐，但重點係一星期只係返2日，每日7.5小時工作。
相對下，對申請者嘅要求都係最高，不只要有圖書館管理資格或相關經驗，仲要識MARC 21格式，仲要識多過一種歐洲語言。
伸延閱讀：
【英國王室洗碗工唔易做 一餐國宴要上2,000餐具】
http://www.edigest.hk/Vip/detail?id=3446
【資深洗碗工話你知 5星級酒店嘅碗碟原來咁樣洗】
http://www.edigest.hk/Vip/detail?id=3468
