Facebook專員有價有市 月入可達2萬至4萬

社交平台愈來愈普及，很多媒體以至品牌已經將數碼營銷納入其推廣策略上o既必備完素外，好多名人甚至立法會議員好似田北俊、鍾樹根、葉劉淑儀等等都會聘請專人打理自己的Facebook專頁。

好似田北辰咁，可能佢見到哥哥請咗個「田毛毛」打理到個Facebook風山水起，都唔執輸，最近在議員助理的工作內容度加返「編寫議員社交平台的文章，包括個人網站、Facebook等」。所以話，識玩Facebook都係一項專長。

講咗咁耐，Facebook專員究竟係幾錢人工呢？中原人力資源顧問有限公司董事總經理周綺萍預期，未來呢類社交平台管理人的招聘數字會急速上升，而起薪點視乎你的資歷：「如果係junior又係fresh graduate，應該就10,000至13,000元左右。」

不過，外面好多公司及機構都好肯畀錢，請一個好的Facebook專員。由港人所創、撈到全世界都識的分享網站9GAG，佢地請「社交平台編輯」時不求經驗、但求你工作認真、思想正面。起薪呢？有成20,000元咁多。

筍工？未算。要數最筍，應該係轟動一時的香港警務處，出到月薪40,000元請一位合約新媒體撰稿員啦，人工仲高過剛入職的督察。不過入職條件都相對有要求，必須要有傳播、新聞或者翻譯的大學學位，仲要有最少五年經驗。

再睇美國洛杉機，Facebook頁面管理員的平均年薪係有41,000美元（折合約319,800港元）！平均即係有近26,650港元一個月。

但凡事都有兩面，做得好時可以令當事人人氣急升，就好似tree根咁吖，同100毛既靚靚主播selfie返張擺上Facebook就成功呃到3,200個like同廣泛瘋傳；反之，就會造成多一場關公災難，呢層唔洗小編舉例啦。