掟爆喼點算？3大注意事項：行李損毀可賠足？
廣告
去旅行瘋狂shopping過後，大箱伴小箱，最好就快啲 check-in放低晒佢。但搭完飛機發現行李箱掟爆了，新買的靚衫全部不見，這個時候你一定好勞氣，但你其實要保持冷靜，只要向航空公司辦好手續絕對有得claim!
1. 禁區內投案可賠足
當你在行李帶發現行李有損毀，除了生氣之外，你更加應該即刻到航空公司的行李部櫃枱登記。如果在離開禁區前通知航空公司，地勤人員會即時檢查行李的損壞情況，如損壞不太嚴重，航空公司會讓乘客先把行李帶回家，日後才派工作人員上門收回維修。
如果航空公司未能將行李修理好，便會悉數賠償搭客損失。但如果搭客在離開禁區後才發現行李有損毀，仍然可以聯絡航空公司，不過就不會得到百分百的賠償。
2. 臨時行李箱救急
如果行李喼即場已經爛到不能再用，航空公司會即時送上「士啤喼」(臨時行李箱)，讓乘客裝番好一喼行李拉返屋企，一方面乘客不用「嗱手唔成勢」，另一方面亦作為航空公司的賠償，因為乘客不用將「士啤喼」還給航空公司。不過航空公司就不會再作出金錢賠償，但會盡量賠償同garde的行李喼。
另外，航空公司方面一般不會要求乘客提供單據，但會根據行李喼的外形及損壞情況而作出賠償評估。
3. 唔見行李有得賠
航空公司表示其實很少會有掟爆喼，或者遺失行李。不過身邊就有朋友拎行李時發現個喼爛開，仲有幾件衫唔見咗，經過理論之後航空公司就作出賠償。
記者曾向國泰航空公司查詢有關情況，發言人指乘客如有遺失行李，首先要填妥一份「行李遺失申報表」，列明所有失物的詳細資料，然後工作人員會盡力在飛機及機場找尋失物。
如最後未能尋回行李，航空公司會跟乘客商討後作出合理賠償， 但這個情況只適用於遺失少量及非貴重行李。因為航空公司只會作出有限的賠償，如果乘客遺失貴重行李，航空公司會交由警方處理，一般不會作出賠償，在機票背後已有列明貴重物品一般是指現金、藝術品、珠寶、銀／金器、股票、身份證明文件等。
還有，如果發現行李有損壞就要第一時間知會航空公司，即使在外地亦可找當地的地勤人員處理，程序跟香港機場大同小異。
