遞咗辭職信 仲要教新人？「凡事計較人生就輸了」| 網民熱話

撰文：亨利 | 圖片：電視截圖、unsplash

遞咗辭職信 就咩都唔理？

樓主向網民請教：

「即係佢請左個人返來，要你教佢，你地會唔會？」

辭職都應該好來好去

有網民認為好來好去，做人要大方，應該教新人：

「好來好去，有時間咪教，講到咪講下，教左新人又未必記得」

「有人教過你，你就教番人」

「如果收了人工，應該要教，好來好去」

責任 VS 辭職

網民指責任和辭職是兩回事，樓主應該負責任，「“handover”同“教” 無大公別，都係確保對方知要做乜，同點做」。

有網民建議樓主「教之前最好做backup通知埋上司，話教過佢D乜，一陣有咩事都唔會比人覺得你無責任感」。

有網民認為隨便hea教一下就可以了，「求其同個新人up兩句」、「冇人叫你用十成功力去教」。

但有網民不同意這想法，「人在江湖。記住：山水有相逢，盡責任地教」、「唔係不歡而散咪好來好去囉，始終山水有相逢」、「凡事計較人生就輸了」。

另外有網民認為不教也無妨，不用想太多！

「識就識，唔識就擺就」

「你問得都係唔想教架啦，咪算囉,，莫講話遞左，未遞你都可以話請你返黎做野，唔係返黎教人做野，無所謂啦，過到自己果關咪得，諗得咁辛苦做乜」